أنا عايز اعيش معنى للحياة
انت مقسمنا درجات ولا كلنا احباء !!
مربوط بناس ومكان ولا واصل لينا ف اى حته ؟!
سامع صوتى ولا لازملى وسيط ؟!
آلــــه ناس وطوايــف ولا رب وأب لبشرية ؟!
........................................................
هو لازملك أسم ولا هو تعبير عنك ؟!
طيب , مربوط ببيوت وبطاقة , ولا قابل اللى حياته منك ؟!
أنت زى اللى بيقولوا انهم خدمك ,
وبيقسموا ويكفروااللى يخالف تصورهم عنك ؟؟!!
........................................................
انا المؤمن الكافر الخارج عنهم .
لا بملك حقيقة كاملة ولا عندى حق اتكلم باسمك !!
بس بحاول اعيش الحب , هو مش انت الله محبة ؟!
بحاول اغفر (( بحاول )) , بحاول اقبل واساعد زيك !!
واقول ماهو انت خلقنا شبهك !!
وياخالق ياللى خلقت الكون
على كل شكل ولون
واصــل للكل بطريقتك !!
........................................................
انت آلــــــه .....
بحاول اغفر (( بحاول )) , بحاول اقبل واساعد زيك !!
واقول ماهو انت خلقنا شبهك !!
وياخالق ياللى خلقت الكون
على كل شكل ولون
واصــل للكل بطريقتك !!
........................................................
انت آلــــــه .....
مش ف بيوت ولا قداسته وسط حجارة
ولا حبــــــه بعلو الصوت ولا كتر سجدات وعبادة !!
........................................................
أنا لا عايز اكون فريسى ولا كاهـــن ولا خليفـــــة .
أنا عايز اعيش معنى للحياة , من الاخر ابقى صورة منك .....
........................................................
Eng.hany s.h
ليست هناك تعليقات